Sasha Obama alikuwa wapi wakati ya hotuba ya mwisho ya babake?

Huku raia wa Marekani wakitizama hotuba ya mwisho ya rais Obama mjini Chicago siku ya Jumanne usiku, wengine waliwachwa na swala moja.

Sasha Obama alikuwa wapi?. Picha ya kwaheri iliopigwa ilimuonyesha Obama ,mkewe na mwanawe mkubwa Malia mbele ya jukwaa, lakini msichana huyo wa miaka 15 hakuonekana.

Imeelezewa kwamba msichana huyo alikuwa akifanya mtihani katika shule ya Sidwell mapema siku ya Jumatano.

Shule hiyo ndio imewafunza wana wa marais kwa miaka mingi akiwemo Chelsea Clinton.